«Бір-бір көлік мінгіземін»: Тұрсынғали Алагөзов футболшыларға уәде берді

Бизнесмен Тұрсынғали Алагөзов алматылық «Қайрат» командасы «Реал Мадрид» футбол клубын жеңетін болса, өзінің атынан отандастарына қымбат сыйлық беретінін айтты, деп хабарлайды Todayinfo.

«Қайрат» жеңіске жетсе, футболшыларға бір-бір көліктен мінгіземін. Осыған елімнің патриоты ретінде туған күн қарсаңында сөз беремін», - деді ол желіде.

Бұған дейін кәсіпкер өз компаниясында 10-20 жылдан жұмыс істеген тазалық қызметкерлері, жүргізушілер, жүк тасушыларға 100 пәтерді тарту еткен еді. Еске сала кетейік, 30 қыркүйекте қазақстандық «Қайрат» командасы әлемге әйгілі испандық клуб «Реал Мадрид» ойыншыларымен Алматыда кездеседі.