Жас жігіт әйелдің үйіне баса көктеп кіріп, тұншықтырып өлтірген

Қырғызстанның Ош қаласында 1987 жылы туған әйел өз үйінде тұншықтырып өлтірілді, деп хабарлайды Todayinfo ақпарат агенттігі. Оқиға 14 сәуір күні «Ак-Тилек» шағынауданында орын алған. Төтенше жағдай туралы хабарлама түскеннен кейін оқиға орнына жедел тергеу тобы мен қалалық ІІБ басшылығы барған. Алғашқы тергеу мәліметтеріне сәйкес, күдікті үйге ұрлық жасау мақсатында кіріп, тұрғынды тұншықтырып өлтірген. Қылмыстан кейін ол марқұмның көлігін айдап кеткен. Тергеу барысында анықталған маңызды жайттардың бірі – күдікті бұрын осы үйде жалға тұрып келген. Бұл оның үй ішін жақсы білетінін және қылмысқа алдын ала дайындалуы мүмкін екенін көрсетеді. Қалалық полиция күдіктінің жеке басын анықтады: ол — 2006 жылы туған, Жапалак ауылының тұрғыны. Қазіргі таңда ол уақытша ұстау изоляторына қамалып, тергеу амалдары жүргізілуде.