Ұлттық бірыңғай тестілеудің (ҰБТ) екінші аптасының қорытындысы бойынша ҚР Ғылым және жоғары білім министрлігі 178 ереже бұзушылықты анықтады, деп хабарлайды Todayinfo ақпарат агенттігі.
Оның ішінде 103 адам смартфондар, смарт-көзілдіріктер, микроқұлаққаптар және шпаргалкалар алып кіруге тырысқаны үшін емтиханға кіреберісте-ақ мүмкіндігінен айырылды.
Тағы 75 талапкер тестілеу кезінде ереже бұзғаны үшін аудиториялардан шығарылды, олардың нәтижелері толығымен жойылды.
Тексерулер емтихандардан кейін де жалғасады: бейнежазбалар 31 қазанға дейін талданады, алдау әрекеттері анықталған жағдайда нәтижелер де жойылады.
