Талдықорғанда өрттен зардап шеккен жасөспірім 2 айдан кейін көз жұмды

Фото: ТЖМ Талдықорғанда өрттен зардап шеккен Асан Жүкенов көз жұмды. Ол екі айдан астам уақыт бойы өмірі үшін күрескенімен, ауыр күйіктен айыға алмады. Қайғылы оқиға кезінде оның ата-анасы Ерлан және Дания Бекпаевтар қаза тапқан болатын,деп хабарлайды Todayinfo. Оңалту қиындықтары мен емдеу процесі Асан Жүкеновтің емін жергілікті деңгейде ұйымдастыру қиын болды. Талдықорғанда арнайы күйік орталығының жоқтығынан, ол бастапқыда көпсалалы ауруханаға жатқызылды. Жағдайы күрт нашарлаған соң, туған-туыстары оны Алматыдағы арнайы күйік орталығына ауыстыруға қол жеткізді. Алайда дәрігерлердің барлық күш-жігеріне қарамастан, жас жігіттің өмірін сақтап қалу мүмкін болмады. Бұл туралы журналист Сандуғаш Дүйсенова мәлімдеді. Тергеу тұралап қалды ма? Қайғылы оқиғаға екі ай өтсе де, жағдай әлі анықталған жоқ. Асан Жүкеновтің бауыры Ернұр Жүкенов газ құбырының дұрыс жүргізілмегенін және бұл мәселені тұрғындардың өз көздерімен көргенін айтты.

«Газопровод мешітке заңсыз тартылғанын көрдік. Біздің көшеде сол кезде асфальт та, жарық та, су құбыры да болмаған. Кейін осы жұмыстар жүргізілген кезде біреу абайсызда газ құбырын зақымдаған болуы мүмкін. Өйткені 'Тавиди' ЖШС құбырларды жер астына салды», — деді Ернұр Жүкенов.