Ғылым және жоғары білім министрі Саясат Нұрбек ҰБТ форматындағы өзгерістерге қатысты сынға жауап берді. Оның айтуынша, тестілеуді тек бір рет тапсыру мүмкіндігі туралы өзгерістер ағымдағы жылға әсер етпейді.
«Әлі ешқандай қажеттілік жоқ. Бұл өзгерістер биылғы жылға еш қатысы жоқ. Мәселе сынақ тапсыруға қатысты. Қазір бізде екі рет сынақ тапсыру мүмкіндігі бар. Бұл талапкерге өз күшін бағалауға, әлсіз және күшті жақтарын көруге мүмкіндік береді. Осыдан кейін ол негізгі тестілеуді тапсырады. Сондықтан сынақ тапсыру мүмкіндігі сақталады. Талапкерлер алаңдамасын», — деді министр мәжіліс кулуарларында.
Оның айтуынша, қосымша түсіндіру жұмыстары келесі тестілеу цикліне дайындық аясында қыркүйектен бастап жүргізіледі. Сондай-ақ, болашақта талапкерлерге тестілеудің балама форматы ұсынылатынын атап өтті.
