Рыбакина Австралия ашық чемпионатының 1/8 финалына шықты

фото: olympic.kz Елена Рыбакина Австралия ашық біріншілігінің 1/8 финалына шықты, деп хабарлайды Тodayinfo ақпараттық порталы. Қазақстан теннисшісі үшінші айналымда украиналық Даяна Ястремскаядан басым түсті. Есеп: 6:3, 6:4. Рыбакина ширек финал жолдамасын Мэдисон Киз – Даниэль Коллинз арасындағы жеңімпазбен сарапқа салады. Ал Юлия Путинцева үшінші кезеңнен аса алмады. Ол ресейлік Дарья Касаткинаға есе жіберді. Кездесу 7:5, 6:1 есебімен орыс спортшысының пайдасына аяқталды. Матч бір сағат 21 минутқа созылды. Касаткина енді америкалық Эмма Наваромен кездеседі. Биылғы Австралия ашық біріншілігінің жалпы жүлде қоры 59 млн 900 мың долларды құрайды.