Қазақстандық танымал боксшының інісі Грузияда қайтыс болды

27 жастағы Шыңғыс Мусадилов Тбилисиде қайғылы жағдайда көз жұмды. Бірнеше күнге созылған іздестіру жұмыстарынан кейін оның денесі табылды. Қайтыс болғаны туралы ақпаратты Қазақстанның Грузиядағы елшілігі растады, деп хабарлайды todayinfo.kz Белгілі болғандай, Шыңғыс Мусадилов 4 тамызға қараған түні жоғалып кеткен. Оны соңғы рет Тбилисидің орталығындағы түнгі клуб маңында көрген. Осыдан кейін ол байланысқа шықпаған. Жас жігіттің туыстары алаңдап, бірден полицияға хабар берген. Іздестіру бірнеше күнге созылып, өкінішке қарай, қайғылы хабармен аяқталды. Қазіргі уақытта оның өлімінің нақты себебі мен мән-жайы жарияланған жоқ. Шыңғыс Мусадилов — «Панда» деген лақап атпен танымал қазақстандық боксшы Серік Мусаділовтің туған інісі екені хабарланды. ФОТО: Tengri Live