Маңғыстауда қызғалдақтар ортасына дастархан жайғандар көпшіліктің сынына қалды

Маңғыстау облысында жайқалған қызғалдақтардың ортасына дастархан жайып, мереке ұйымдастырған тұрғындардың видеосы тарады, деп хабарлайды Todayinfo Lada-ға сілтеме жасап. Бұл көрініс көпшіліктің наразылығын тудырды.

«Жабайылар, гүлдерді таптап тастаған», «надандық қой, ұят болыпты», «масқара, табиғатты ластап жатыр», «бұл не қылғандарың?!», деп жазды желі қолданушылары.

Сондай-ақ, Lada.kz редакциясына Жармыш маңында орналасқан Қаратау бұлағынан фотосуреттер жіберілді. Тұмса табиғатты қоқыс алаңына айналдырып жатқан демалушылардың әрекетіне жұрт алаңдаушылық білдіруде. Еске салайық, маңғыстаулықтар көрікті жерлердің қауіпсіздігіне алаңдаулы. Өңір тұрғындарының бірі жерлестеріне демалыс кезінде табиғатқа зиян келтірмеуді сұрап, видео үндеу түсірген. Айрақты қамалдар алқабын түрлендірген көктемнің келуімен демалушылар бұл аумаққа ағылып, салдарынан қоқыс толып кеткен. Оқиға орнына барған туроператор апаттың ауқымын анық көрсетті. https://www.instagram.com/p/DI8vjM7SXca/?utm_source=ig_web_copy_link&igsh=MzRlODBiNWFlZA==