Кітапханашылар күні: руханият пен білімді дәріптеген мереке

24 қазан күні қалалық кітапханада ерекше рухани шара – Кітапханашылар күні Степногорск қаласының орталық кітапханасында аталып өтілді. Бұл күн – қоғамның мәдени дамуына өлшеусіз үлес қосып жүрген кітапхана қызметкерлерінің еңбегін мойындау және құрметтеу мерекесі. Іс-шараға қала әкімінің орынбасары Дархан Оспанов қатысып, барлық кітапханашыларды кәсіби мерекемен құттықтады. Ол өз сөзінде кітапханашылардың қоғам өміріндегі рөлін атап өтіп, олардың еңбегін білім мен мәдениеттің алтын көпірі деп бағалады. Мерекелік жиында үздік қызметкерлерге алғыс хаттар мен марапаттар табыс етілді. Бұл – көп жағдайда көзге көрінбейтін, бірақ қоғам үшін аса маңызды еңбектің лайықты бағалануы. Кітапхана – заманауи идеялар алаңы.  Шара барысында кітапхана ұжымы соңғы жылдары жүзеге асырған инновациялық жобалар мен жетістіктердің презентациясын ұсынды. Цифрлық кітап қорының кеңеюі, оқырман қызметін автоматтандыру, онлайн форматтағы әдеби кештер мен оқырман клубтарының ашылуы – қазіргі кітапханалардың заман талабына сай жаңарып келе жатқанын көрсетеді