Қазақстандық бітімгершілік контингентінің әскери қызметшілері Голан биіктеріндегі БҰҰ миссиясы аясында Сирия Араб Қызыл Жарты Айы өкілдерімен бірлесіп гуманитарлық акция ұйымдастырды, деп хабарлайды Orda.kz ҚР Қорғаныс министрлігіне сілтеме жасап.
Медициналық көмек лагері Сирияның оңтүстік-батысындағы Кунейтра провинциясының Трунжа елді мекенінде жергілікті тұрғындар үшін ашылды. Ерекше назар балаларға, қарт адамдарға және басқа да әлеуметтік осал топтарға аударылды.
Әскери дәрігерлер пациенттерді қарап, кеңес беріп, қажетті дәрі-дәрмектерді таратты. Медициналық тексеруден 93 жергілікті тұрғын өтті. Ең жиі кездесетін диагноздар: ЖРВИ, тірек-қимыл аппараты аурулары, артериялық гипертензия және қант диабеті.
Бұған дейін үшінші ұлттық контингенттің бітімгерлері ҚР Қорғаныс министрлігінің «Бітімгер» оқу орталығында арнайы дайындықтан өтіп, Сирияға жіберуге дайын екендігі хабарланған болатын.
