3 наурыздағы таңғы сауда-саттық қорытындысы бойынша теңгенің долларға шаққандағы бағамы айтарлықтай нығайды, деп хабарлайды Todayinfo ақпарат агенттігі.
Қазақстан қор биржасында (KASE) АҚШ долларының орташа бағамы 498,09 теңгені құрады. Бұл алдыңғы сауда күнімен салыстырғанда 3,54 теңгеге аз. Осылайша, ұлттық валюта позициясын жақсартып отыр.
Қазіргі уақытта еліміздегі ақша айырбастау орындарының басым бөлігі долларды 497,5-499 теңге аралығында сатып алып, 500-501 теңгеден сатып жатыр.
Ал еуро бағамы да өзгеріссіз қалмады. Оны орта есеппен 579-583 теңгеден сатып алып, 584-587 теңгеге сатуда. Ресей рублінің құны сәл тұрақтанды: сатып алу – 6,38-6,44 теңге, сату – 6,49-6,51 теңге.
Сыртқы факторларға келсек, ICE биржасында Brent маркалы мұнайдың мамыр айындағы фьючерстерінің бағасы бір баррель үшін 82,5 доллар деңгейінде саудалануда.
Фото: Әлеуметтік желіден
