Баку қатал талап қойды:  Ресейде әзербайжандық азаматтар билік тарапынан өлтірілді

27 маусымда Ресейдің Екатеринбург қаласында арнайы операция кезінде қаза тапқан әзербайжандық Зияддин мен Гусейн Сафаровтардың мәйіттері туған жері - Агджабеди ауданына жеткізіліп, сол жерде жер қойнына тапсырылды,деп хабарлайды Todayinfo. Бұл туралы AZƏRTAC және Trend ақпарат агенттіктері хабарлады. Марқұмдармен қоштасу рәсімі олардың туыстарының үйлерінде өтті. Қоштасуға марқұмдардың отбасы мүшелері, туыстары, сондай-ақ Агдам және Агджабеди аудандарының тұрғындары мен қоғам өкілдері қатысты. Сафаровтар отбасының балалары Гаджибадаллы ауылының зиратына жерленді. Айта кету керек, бұл жерде олардың ата-аналары да мәңгілік тыныс тапқан. Еске сала кетейік, 27 маусым күні таңғы сағат 5 шамасында Ресейдің ФҚҚ (Федералдық қауіпсіздік қызметі) Екатеринбург қаласында бірнеше мекенжайда арнайы операция жүргізген болатын. Аталған операция барысында Агдам ауданынан шыққан, Ресей азаматтары болып табылатын Сафаровтар отбасының мүшелері тұратын үйлерге рейд жасалған. Операция нәтижесінде бауырлар — Гусейн мен Зияддин Сафаровтар оқиға орнында қаза тапты. Тағы сегіз адам, соның ішінде олардың бауыры Бекир Сафаров түрлі дене жарақаттарымен ауруханаға жеткізілді.