Алматыда қоғамдық көлікте жолаушыны тонап кеткен әйел ұсталды. Ол қолма-қол ақша мен зергерлік бұйымдарды жымқырып, жәбірленушіге 4,1 миллион теңге шығын келтірген, деп хабарлайды Todayinfo ақпарат агенттігі.
Оқиға қаладағы бағыттық автобустардың бірінде болған. Қалта ұрысы жолаушының сөмкесінен ірі көлемде қолма-қол ақша (теңге және шетел валютасы) мен бағалы алтын бұйымдарды ұрлап кеткен. Келтірілген жалпы шығын көлемі 4,1 миллион теңгеден асты.
Полиция қызметкерлері автобус салонындағы бейнебақылау камераларының жазбаларын тексеріп, күдіктінің жеке басын көп ұзамай анықтады. Жедел іздестіру шараларының нәтижесінде ол қолға түсті.
Қазіргі уақытта күдікті қамауға алынып, оған қатысты тергеу амалдары жүргізіліп жатыр.
Фото: Әлеуметтік желіден
