8 жолаушы: Зардап шеккен жолаушылардың жағдайы белгілі болды

Алматы облысында Қаскелең көпірінің қоршауын бұзып, минивэннің үстіне құлаған №78 автобус жолаушыларының қазіргі жағдайы белгілі болды. Апат салдарынан 8 адам зардап шекті.  Фото: Видеодан скрин Алдын ала болжам бойынша, жол апатына автобус жүргізушісінің денсаулығының нашарлап, рөлді басқара алмауы себеп болған. Қоғамдық көлік темір қоршауды, кейін көпірді бұзып, жолға құлаған. Әлеуметтік желіде автобус жүргізушісінің комада жатқаны туралы ақпарат тарады. Алайда ол расталған жоқ. Денсаулық сақтау басқармасының мәліметінше, жол апатынан зардап шеккен 8 жолаушы Қарасай орталық аудандық ауруханасына жеткізілді. Олардың жетеуі медициналық тексеруден өтіп, қажет көмек алып, амбулаториялық емдеуге жіберілді. Ал бір науқас орташа дәрежедегі жарақатпен травматология бөліміне жатқызылды. Ол медициналық хаттамаларға сәйкес ем қабылдап жатыр. Айта кетейік, бұған дейін автобустың көпірден құлап, іштегі жолаушылар минивэннің үстіне түскені туралы жазған едік.