1,7 млрд теңге жымқырып, 8 жылға сотталған университет ректоры сауда орталықтарының бірінде көзге түсті

Фото: facebook.com/d.shynybekov 1,7 миллиард теңгені жымқырғаны үшін 8 жылға бас бостандығынан айырылған Халықаралық ақпараттық технологиялар университетінің (ХАТУ) бұрынғы ректоры Дамир Шыныбеков Алматыдағы сауда орталықтарының бірінде көзге түскені жайлы ақпарат тарады, деп хабарлайды Todayinfo.kz ақпарат агенттігі. Қылмыстық-атқару жүйесі комитетінің (ҚАЖК) мәліметінше, Дамир Шыныбеков бостандыққа шыққан. Түпкілікті мерзімге амнистия және қамауда отырған уақытын қайта есептеу әсер еткені белгілі болды.

“Аталған адамға заңда белгіленген тәртіппен амнистия қолданылып, соның нәтижесінде жаза мерзімі қысқартылды. Қайта есептелген мерзімді ескерәп, сотталған адам сот тағайындаған жазаны толық өтеп, заңды негізде босатылдыә, – деп хабарлады ҚАЖК.

Ведомство сондай-ақ мерзімдерді қайта есептеу жөніндегі барлық шешім тек сот арқылы қабылданатынын және міндетті түрде орындалатынын атап өтті. Ал Шыныбековтің ісіне қатысты өзге мәліметтерді заң нормасына сүйеніп жария етпеді.