Ыстамбұлда Джастин Тимберлейк концерті кезінде теракт бола жаздады

Түркияның Стамбул қаласында белгілі америкалық әнші Джастин Тимберлейктің концерті кезінде жоспарланған терактінің жолы кесілді. Бұл туралы Türkiye Gazetesi басылымы құқық қорғау органдарындағы дереккөздерге сілтеме жасап хабарлады,деп хабарлайды Todayinfo.  Оқиға Стамбұл техникалық университетінің (İTÜ) стадионында өткен концерт кезінде орын алды. Тимберлейк Стамбул сахнасына 11 жылдан кейін алғаш рет шыққан болатын. Концерт аясында мыңдаған көрермен жиналып, іс-шара жоғары деңгейдегі қауіпсіздік шараларымен өтті. Қоғамдық тәртіпті сақтау үшін 1000-нан астам полиция қызметкері, оның ішінде арнайы жасақ, жедел уәкілдер және терроризммен күрес бөлімшелері жұмылдырылды. Концерт қарсаңында әлеуметтік желілер мен жабық платформаларда түрлі топтар тарапынан шабуыл жасалуы мүмкін екені туралы ескерту белгілері пайда болған. Билік бұл ақпаратты назарға алып, қауіпсіздік шараларын күшейткен. Уақытылы жүргізілген арнайы операция нәтижесінде қауіптің беті қайтарылып, концерт ешқандай оқиғасыз, қауіпсіз түрде өтті. Концерт ұйымдастырушылары қауіпсіздік шараларына түсіністік танытқан көрермендерге алғыс айтып, ресми мәлімдемесінде:

«Бұл түн тек музыка үшін ғана емес, қоғам қауіпсіздігі үшін де маңызды болды», – деп атап өтті.