Украина соғысқа қатысқан екі қазақты Ресейге қайтарды

Пасха мерекесінің алдында Ресей мен Украина арасында әскери тұтқын алмасу рәсімі өтті, деп хабарлайды Todayinfo. «Наш Выход» телеграм арнасы жазғандай, елге 246 ресейлік әскери қызметкер оралған. Жарияланған тізімде Қазақстан Республикасының екі азаматының есімі де көрсетілген. Олар 2002 жылы туған Ерболат Ордабаев пен 2005 жылы туған Шерхан Егамбердиев. Қазіргі таңда бұл азаматтардың соғысқа қалай қатысқаны немесе қандай жағдайда тұтқынға түскені белгісіз. Айта кетейік, бұған дейін, 8 сәуір күні Ішкі істер министрлігі қазақстандықтарды шетелдегі соғыс қимылдарына қатысудан сақ болуға шақырып, мұндай әрекеттердің қылмыстық жауапкершілікке әкелетінін ескерткен еді. Қазақстан заңдары бойынша, өзге елдегі қарулы жанжалдарға қатысқандар 10 жылға дейін бас бостандығынан айырылуы мүмкін. Фото: Getty images