Фото: The White House Венесуэлада оппозиция жетекшісі Мария Корина Мачадо Ақ үйде өткен жабық кездесуде АҚШ президенті Дональд Трампқа Нобель бейбітшілік сыйлығының медалін табыстағанын мәлімдеді, деп хабарлайды Todayinfo.kz ақпарат агенттігі. Мачадоның айтуынша, Трамппен алғашқы
Фото: The White House
Венесуэлада оппозиция жетекшісі Мария Корина Мачадо Ақ үйде өткен жабық кездесуде АҚШ президенті Дональд Трампқа Нобель бейбітшілік сыйлығының медалін табыстағанын мәлімдеді, деп хабарлайды Todayinfo.kz ақпарат агенттігі.
Мачадоның айтуынша, Трамппен алғашқы кездесу 15 қаңтарда өткен. Ол кездесуді "венесуэлалықтар үшін тарихи күн" деп атады.
“Бұл медальді Трампқа Венесуэладағы бостандық үшін күресті қолдағаны үшін табыс еттім. Бұл алғыс ретінде берілген символдық ишара”, – деді Мачадо.
Дональд Трамп кездесу өткенін Truth Social әлеуметтік желісіндегі парақшасында жазды. Ол венесуэлалық саясаткерге сапары үшін алғыс білдірді.
“Венесуэладан келген Мария Корина Мачадомен кездесуім мен үшін үлкен мәртебе. Ол көп қиындықтан өткен тамаша әйел. Мария маған өз жұмысым үшін Нобель бейбітшілік сыйлығының медалін табыстады. Бұл өзара құрметтің әдемі белгісі болды”, – деп жазды Трамп.
