Маған құдай жар болсын: Трамп ұлықтау рәсімінде ресми түрде ант берді

Бүгін, 20 қаңтарда Дональд Трамп АҚШ-тың 47-президенті ретінде ресми түрде қызметіне кірісті, деп хабарлайды Тodayinfo ақпараттық порталы. Ол дәстүр бойынша президенттің міндеттерін адал орындауға және ел конституциясын қорғауға ант берді.

«Салтанатты түрде президент міндеттерін адал орындауға және АҚШ конституциясын сақтауға, қорғауға ант етемін. Маған құдай жар болсын!»,- деді ол.

Сондай-ақ басшы өз сөзінде дәл қазір Американың алтын ғасыры басталып жатқанын атап өтті. Вашингтонда өткен инаугурацияға Трамптың жақындары – жұбайы мен балалары қатысты. Сондай-ақ экс-президент Джо Байден, бұрынғы вице-президент Камала Харрис, бұрынғы президенттер Барак Обама (2009-2017), Билл Клинтон (1993-2001), кіші Джордж Буш (2001-2009) және экс-мемлекеттік хатшы Хиллари Клинтон да келді. Әлемге әйгілі бизнесмен Илон Маск та салтанатты жиынның құрметті қонақтары қатарында болды.