Тина Канделаки Орталық Азиядан жаңа русофоб ел тапты

Белгілі ресейлік журналист Тина Канделаки Қырғызстан билігін русофобияда айыптады, деп хабарлайды Orda.kz. Бұл мәлімдемеге Бішкектегі Панфилов дивизиясы музейінің бұзылуы себеп болды. Аталған музей республикалық маңызы бар архитектуралық ескерткіш болып табылады. Канделаки музей ғимаратының қалпына келтіру мүмкіндігі болғанын, бірақ билік ол мүмкіндікті пайдаланбағанын атап өтті. Ол оларды Отан қорғаушыларына деген құрметсіздікте кінәлады және Қырғызстанда көптен бері русофобияға негізделген көзқарастар қалыптасып келе жатқанын айтты. "Қырғызстанның билігінде, парламентінде көптен бері Батыстың ықпалымен жұмыс істейтін саясаткерлер тобы отыр, олар кеңестік тарихты, біздің ортақ өткенімізді елден шығарып, оны орыстарға деген өшпенділікпен алмастырады. Барлығы ескі музейден басталады", - деп жазды Тина Канделаки өз телеграм-каналында. Қазіргі уақытта Қырғызстан билігі Канделакидің айыптауларына ресми жауап берген жоқ. Бұл журналистің Қырғызстан билігін алғаш рет сынға алуы емес. 2024 жылдың қаңтарында ол Бішкек аудандарының атауларын өзгерту бастамасына да наразылық білдіріп, оны орыс тілін ығыстыру және қырғыздарды өз тарихынан айыру әрекеті ретінде бағалап, Украинадағы декоммунизациямен салыстырған болатын. Алайда, бұл жазба кейінірек өшірілді. Шілде айының екінші онкүндігінде Бішкек орталығында, Логвиненко және Мәскеу көшелерінің қиылысында Панфилов дивизиясы музейінің ғимараты бұзылғаны белгілі болды.