Сенат Түркістанға Ерекше мәртебе беру туралы заңды мақұлдады

Түркістан қаласына ерекше мәртебе беріледі. Тиісті заң жобасын бүгін Сенат депутаттары мақұлдады. Енді шаһардың жергілікті өкілді органының, оның ішінде дизайн-кодты, қала құрылысы регламентін, өңірлік нышанды пайдалану тәртібін бекіту құзіреті өзгереді. Сондай-ақ, ерекше статуста Түркістанның төлқұжаты атанған Қожа Ақмет Ясауи кесенесі жайы да көрсетілген. Құжатқа сай кесене маңына биік ғимарат салуға тыйым салынады. Одан бөлек, қаланың тарихи-мәдени мұрасы объектілерін қорғау әрі пайдалануы ғылыми мамандармен жүзеге асады. Жаңа құжатқа сай, жер кодексі мен тағы 4 бірдей заң да толығады. Олардың бір парасы шаһардағы туризм саласын дамытуға бағытталған. Мәселен туристерге, мүмкіндігі шектеулі азаматтарға барлық инфроқұрылым қол жетімді болуы керек деп көрсетілді. https://www.youtube.com/live/wnGTAcbP4oc