Қазақстан интернет жылдамдығы бойынша Жапониядан асып түсті

Фото: freshcity.info Speedtest Global Index қызметі 2024 жылдың желтоқсан айының қорытындысы бойынша интернеті ең жылдам елдер мен қалалардың тізімін жариялады, деп хабарлайды Тodayinfo ақпараттық порталы. Жаңа зерттеуде 154 елдің 200-ге жуық қаласы талданды. Қазақстан мобильді интернет жылдамдығы бойынша 57-орынды иеленіп, Испания мен Жапонияның арасында орналасты. Орташа жүктеу жылдамдығы – секундына 53,76 мегабит. Республикамыздағы мобильді интернеті ең жылдам қала – Алматы, одан кейінгі орында Астана тұр. Ал кең жолақты интернет жылдамдығы бойынша еліміз 88-орынға жайғасты (73,67 мегабит/с). Мобильді интернет жылдамдығы бойынша көш бастап тұрған елдер қатарында БАӘ, Катар және Кувейт бар. Ал ең төменгі көрсеткіш Ауғанстанда тіркелді. Мұнда жүктеу жылдамдығы бар болғаны 8,2 мегабит/секунд.