Қамчыбек Ташиев Қырғызстаннан кетті

ҰҚМК-ның бұрынғы төрағасы Қамчыбек Ташиев уақытша Қырғызстан аумағынан тысқа шыққан, деп хабарлайды Todayinfo.kz ақпарат агенттігі. Ақпаратты “Регион” телеарнасының директоры Өктүрбек Рахманов әлеуметтік желідегі парақшасында хабарлады. Рахмановтың айтуынша, ол уақытша сапарға аттанды. Жарияланған видеода оның шетелге шығу мақсаты және онда қанша уақыт болатыны жайлы мәлімет келтірілмеген. Қамчыбек Ташиевтің елден шығуына байланысты мемлекеттік органдар тарапынан ресми түсініктеме берілген жоқ. БАҚ мәліметінше, бұған дейін қоғамда Қамчыбек Ташиевке қатысты кадрлық шешімдер қызу талқыланған. Осы тұста оның алдағы жоспарына қатысты түрлі болжамдар да айтылып жүр.