Мектеп шатыры құлады: Үндістанда оқушылар мерт болып, ондағаны жарақат алды

Фото: x.com/jaggirm Үндістанның Раджастан штатында бастауыш мектептің шатыры құлап, төрт оқушы қаза тапты, тағы 17 бала түрлі жарақаттармен ауруханаға жеткізілді, деп  хабарлайды Todayinfo ақпараттық агенттігі. Оқиға болған кезде сыныпта 25–30 оқушы отырған. Раджастанның білім министрі Мадан Дилавардың айтуынша, шатырдың опырылуына өңірде соңғы күндері толассыз жауған жауын-шашын себеп болуы мүмкін. Мектеп ғимаратының ескі күйде болғаны анықталды. Қазіргі уақытта құтқару жұмыстары жалғасуда, өйткені ғимараттың қирандыларының астында әлі де адамдар болуы мүмкін деген қауіп бар. Жергілікті ақпарат көздері 32 оқушының эвакуацияланғанын, олардың сегізі жараланғанын, ал екі баланың ауыр халде ауруханада жатқанын хабарлады. Қайғылы оқиғаға байланысты тергеу шаралары басталып, мектеп ғимаратының техникалық жағдайына жауапты лауазымды тұлғалардың әрекеттері тексерілуде. Бұл оқиға ауылдық өңірлердегі білім беру нысандарының қауіпсіздігіне қатысты маңызды мәселелерді қайтадан күн тәртібіне шығарды.