«Аспантаудың арсыздары»: оқушы қызды зорлаған жігіттер қамауға алынды

Алматы облысында 15 жастағы оқушы қызды зорлады деп айыпталғандардың екеуі қамауға алынды. Қазір олар тергеу изоляторында, деп хабарлайды Todayinfo.kz КТК арнасына сілтеме жасап. Райымбек ауданында тұратын қыздың айтуынша, алғашында ауылдасымен көңіл жарастырып сөйлесіп жүрген. Кейін сол жігіттің достарының да ермегіне айналған. Қаңқу сөзді бір-біріне жеткізген олар, қаршадай қызды қорқытып, екі ай бойы арам пиғылын іске асырды дейді жәбірленуші. Жақындары қыздың денсаулығы сыр бергенде ғана бар шындықты біліпті. Полицияға түскен арызда аты аталған жігіттердің алды 25 жаста, кішісі 16-да. Кәмелетке толмаған қызбен жыныстық қатынасқа түсу дерегі бойынша қылмыстық іс қозғалған.

«Жедел іздестіру шарасында күдіктілер анықталып,екеуі уақытша ұстау изоляторына қамалды. Қалған күдіктілерге қатысты тергеу жүргізілуде. Оқиғаның барлық мән-жайын анықтауға бағытталған тергеу жалғасуда. Тергеу Алматы облысы полиция департаменті басшылығының ерекше бақылауында,»,- деді Алматы облысы ПД ресми өкілі Ернар Сәйділдин

Фото: Freepik