Көршінің кесірі: Алматы облысында 25 ит әйелді жабылып талады

Алматы облысында әйелді көршісінің иттері жабылып талаған. Ал иттің иесі жас әйелді өлім аузынан ажыратпаған, деп жазады Todayinfo.kz ақпараттық порталы. Оқиға Қарасай ауданына қарасты Ұмтыл ауылдық округінде болған. Алдын ала мәлімет бойынша, 52 жастағы әйелді бір үйдің ауласында иттер талап кеткен. Зардап шеккен азаматша ауыр жарақат алып, оған медициналық көмек көрсетілген. Алматы облысы Полиция департаментінің баспасөз қызметі бұл дерек бойынша қылмыстық іс тіркелгенін мәлімдеді.

«Қазір соталды тергеп-тексеру жүргізіліп жатыр. Оқиға орнында полиция қызметкерлері мен жергілікті атқарушы орган өкілдері жұмыс істеуде», – деді ПД өкілі.

Полиция 60 жастағы күдіктіні анықтаған. Ол – иттердің иесі. Мәліметке сәйкес, жәбірленушінің көршісі өз үйінің аумағында шамамен 20–25 ит ұстаған. Ер адам Қарасай аудандық полиция басқармасына жеткізіліп, оған қатысты қылмыстық іс қозғалды. Сондай-ақ қоғамдық тәртіпті бұзғаны үшін заң аясында әкімшілік жауапкершілікке тартылған. Фото: agatu.ru/news