Білім беру саласында миллиардтаған қаржы ұрланды: 40-тан астам шенеунік сотқа тартылды

2,4 миллиард теңге бюджет қаражаты ұрланған Түркістан облысында Мақтаарал аудандық білім бөліміне қарасты 43 шенеунік пен жауапты қызметкерге қатысты қылмыстық іс сотқа жолданды. Оларға 2,4 миллиард теңгеден астам қаржының ұрланғаны үшін айып тағылуда, деп хабарлайды Todayinfo облыстық прокуратураға сілтеме жасап. Фото ©️ Tengrinews.kz / Алихан Сариев Ұрлықтың схемасы Тергеу мәліметінше, күдіктілер бюджет қаражатын заңсыз жолмен, яғни білім беру жүйесінде жұмыс істемейтін адамдардың шотына жалақы аудару арқылы ұрлаған. Қазіргі уақытта мемлекетке келтірілген шығынның 333,5 миллион теңгесі қайтарылды. Сондай-ақ 649,7 миллион теңгеге бағаланған заңсыз алынған мүлікке тыйым салынған. Ел көлемінде ұқсас істер тіркелуде Айта кетейік, бұған дейін Өскеменде құрылыс компаниясының топ-менеджерлері шамамен екі миллиард теңгені ұрлады деген күдікпен қамауға алынған болатын.