«Ат құйрығына байланған Айзат»: Жетісуда әйелін өлтірген жауыз күйеу 14 жылға сотталды

Талдықорғанда әйелі Айзат Жұманованы өлтірді деген күдікке ілінген Айбар Жанболатқа қатысты сот үкімі шықты, деп хабарлайды Todayinfo.kz ақпарат агенттігі. Сот үкімі бойынша Айбар Жанболат 14 жылға сотталды. 32 жастағы Жетісу облысының тұрғыны Айзат Жұманованы күйеуі ұрып өлтіргені жөнінде биыл маусымда белгілі болған. Сол уақытта марқұмды күйеуі атқа сүйреп өлтірді деген ақпарат тараған. Оқиға Баласаз ауылында болған. Бастапқыда іс қылмыстық кодекстің 106-бабы бойынша қозғалған. Кейіннен жәбірленуші тараптың шағымынан кейін іс 99-баптың 1-бөлігіне қайта сараланған. Бірақ адвокат Арман Шәріпов іс 99-баптың 2-бөлігімен саралануы тиіс деп есептейді