600 жас маман жұмысқа орналасты: Ақмола облысында 700 кәсіпорын түлектерді жұмысқа қабылдауға дайын

Ақмола облысында жастардың жұмыспен қамтылуы басты назарда. Өңірде екі жүз мыңнан астам жас болса, оның 90 мыңнан астамы ауылдық жерлерде тұрады, деп хабарлайды Todayinfo. Мемлекеттік бағдарламалар арқылы жұмыс орындары ашылып, жастардың кәсіби дамуына қолдау көрсетілуде, деп хабарлайды Өңірлік коммуникациялар қызметінен. Жастар ресурстық орталығы  жұмысқа орналасу, кәсіпкерлік және мемлекеттік бағдарламалар бойынша тегін кеңес береді. 2025 жылдың басынан бері 200-ден астам кеңес өткізіліп, 284 жас еңбекпен қамтылды, оның ішінде 15-і NEET санатындағы жастар. Олар  бос орындар жәрмеңкесін өткізіп, ауылдық округтерде кеңес беру жұмыстарын жүргізуде. Қысқа мерзімді оқыту курстарымен 460 адам қамтылады, ал 224 грант (334,3 млн теңге) жастардың бизнес-жобаларын жүзеге асыруға бөлінеді. Ауыл жастарына арналған арнайы бағдарламалар арқылы 1218 жас маман қолдау алып, 601-і бірден жұмысқа орналасты. 2025 жыл «Жұмысшы мамандықтар жылы» деп жарияланып, мектеп оқушылары мен студенттерге кәсіби бағдар берілуде. 700 кәсіпорын түлектерді жұмысқа қабылдауға дайын. 25 мың жас «Электронды еңбек биржасы» платформасында жұмыс іздеу дағдыларын меңгереді. Аймақта жастардың кәсіби дамуына арналған тренингтер мен семинарлар өткізіліп, еңбек нарығына бейімделуіне жағдай жасалуда. Мемлекеттік саясаттың басты мақсаты – бәсекеге қабілетті мамандарды даярлап, жастардың тұрақты жұмыспен қамтылуын қамтамасыз ету.